ՌԴ ԱԳՆ-ը հրապարակել է ՌԴ և Ադրբեջանի ԱԳ նախարարների բանակցությունների բովանդակությունը
Ռուսաստանի արտգործնախարար Սերգեյ Լավրովը և Ադրբեջանի արտգործնախարար Ջեյհուն Բայրամովը ուրբաթ հեռախոսով քննարկել են Լեռնային Ղարաբաղի վերաբերյալ եռակողմ համաձայնագրերի կատարման ընթացքը և ՄԱԿ-ում և ԵԱՀԿ-ում փոխգործակցության հարցերը: Այս մասին գրում է ՏԱՍՍ գործակալությունը՝ հղում անելով ՌԴ արտգործնախարարությանը:
«Արտաքին գործերի գերատեսչությունների ղեկավարները քննարկել են Ռուսաստանի, Ադրբեջանի և Հայաստանի ղեկավարների 2020 թվականի նոյեմբերի 9-ի և 2021 թվականի հունվարի 11-ի հայտարարությունների կատարման ընթացքը, ինչպես նաև երկկողմ համագործակցության և արտաքին քաղաքական փոխգործակցության արդիական հարցեր, այդ թվում՝ ՄԱԿ-ի և ԵԱՀԿ-ի շրջանակներում»,- ասված է Ռուսաստանի արտգործնախարարության հայտարարության մեջ:
