Խոնարհումս՝ իրենց կյանքը հայրենիքին նվիրաբերած բոլոր մարտիկների (ռազմիկների) հիշատակին
ՇՆՈՐՀԱՎՈՐ ՏՈՆԴ, ՀԱՅՈՑ ԲԱՆԱԿ
Մեր պետության ամենակարևոր հենասյուներից՝ Հայոց Բանակ,
Քեզ փորձեցին թուլացնել խաղաղ ժամանակ,
Քեզ զրկեցին պրոֆեսիոնալ կառավարումից և հասցեական մատակարարումից պատերազմի ժամանակ,
Իշխանության պարտությունը հաշվեցին Քեզ վրա…
Բայց մենք գիտենք իրականությունը,
Մենք գիտենք մեր ազգի ներուժը,
Եվ երբ յուրաքանչյուրիս «ես»-ը դարձնենք «մենք», ապա կարթնանանք,
Արթնանալուց հետո կվերակառուցենք մեր պետությունն առնվազն երկու սյունի վրա՝
(1) ազգային-բարոյական (քրիստոնեական) արժեքների և (2) մարտունակ բանակի,
Մարտունակ բանակի վերակառուցման համար կարժևորենք մարտիկի (ռազմիկի) աշխատանքը,
Կմեծացնենք մարտիկի (ռազմիկի) և նրա ընտանիքի անդամների սոցիալական երաշխիքները,
Զոհված մարտիկների (ռազմիկների) ընտանիքի անդամներին և վիրավորված մարտիկներին (ռազմիկներին) կվերաբերվենք հատուկ մեծարանքով,
Կզարգացնենք ռազմարդյունաբերությունը,
Քաղաքացիական անձանց կսովորեցնենք համակարգային ինքնապաշտպանության հմտությունները,
Յուրաքանչյուրը, անկախ իր մասնագիտությունից, իր ոլորտում կձգտի լավ և արդյունավետ աշխատել,
Պետք է միայն յուրաքանչյուրիս «ես»-ը դարձնենք «մենք»,
Շնորհավոր տոնդ, Հայոց Բանակ:
…………………………………………………………………….
Խոնարհումս՝ իրենց կյանքը հայրենիքին նվիրաբերած բոլոր մարտիկների (ռազմիկների) հիշատակին:
Արա Զոհրաբյանի ֆեյսբուքյան էջից