Մենք թուրքերին ու կովկասյան թաթարներին «բուժելու ենք» «Պենիցիլիններով»
Թուրք Կոկոլ Փաշինօղլու վարչակարգի դավաճանությունից հետո (անցած աշնանը) մենք բազմիցս գրեցինք և հիշեցրինք Առաջին Արցախյան պատերազմի բոլոր մասնակիցներին, որ այսօր Հայաստանը և Արցախի Հանրապետության թշվառ մնացորդները փրկության կարիք ունեն: Եվ Հայաստանը, և Արցախի թշվառ մնացորդները փրկելու առաջին քայլը պետք է լինի միանգամից երկու Պաշտպանության պետական կոմիտեների ձևավորումը Երևանում և Ստեփանակերտում, որոնք պետք է ամբողջ իշխանությունն իրենց ձեռքը վերցնեն:
Այժմ մենք առաջարկում ենք Հայաստանի Պաշտպանության պետական կոմիտեի և Արցախի Պաշտպանության պետական կոմիտեի գործողություններից մեկը`պատրաստվել թուրքերի և կովկասյան թաթարների կողմից նոր հնարավոր ագրեսիային: Այս պարագայում մեծ նշանակություն ունի, թե ինչպես են պաշտպանվելու Հայաստանի և Արցախի նոր բանակների զինվորականներն ու կամավորները: Այժմ ամբողջ աշխարհը քննարկում է Ռուսաստանում ստեղծված ամենավերջին զենքերը, որոնք սկսեցին անցնել ռուսական բանակի զինանոց: Սա հրետանային զենքերի, ականանետերի և մարտավարական հրթիռների ձայնաջերմային հետախուզության «Պենիցիլին» կոչվող համալիր է: Մենք ռազմական մասնագետներ չենք, ուստի Հայաստանի և Արցախի քաղաքացիների ուշադրությանն ենք ներկայացնում տեղեկատվությունը, որը հունվարի 23-ին հայտնեց MilitaryRussia.ru կայքի գլխավոր խմբագիր Դմիտրի Կորնևը՝ մեկնաբանելով Ռուսաստանի զինված ուժերի կողմից հրետանային հետախուզական նորագույն «Պենիցիլին» համակարգերի ստացման մասին տեղեկությունը:
Նրա խոսքով, «Պենիցիլին» համակարգը հայտնաբերում է հրետանին՝ շնորհիվ ջերմային և ձայնային հետախուզության համատեղման նոր սկզբունքի, և գործնականում մնալով «անորսալի» և անտեսանելի: ««Պենիցիլին»-ը բավականին անսովոր համալիր է. սա թշնամու հրետանու, ականանետերի և մարտավարական հրթիռների ձայնային և ջերմային հետախուզության համալիր է,- ասաց փորձագետը Sputnik ռադիոյի եթերում: – Նման հետախուզական համալիրի հիմնական առավելությունն այն է, որ այն պասիվ է, չունի ռադար, չի կարող հայտնաբերվել: Նա նայում է, լսում և տալիս է ենթադրյալ թշնամու մարտկոցների կոորդինատները: Սա բավականին յուրահատուկ հատկություն է, քանի որ, որպես կանոն, այդպիսի խնդիրները լուծվում են ռադիոլոկացիոն կայանների միջոցով, որոնք վերահսկում են տարածքը, հայտնաբերում ականներ, հրթիռներ, արկեր և դրանց թռիչքի հետագծի երկայնքով հաշվարկում են արձակողի գտնվելու վայրը: Այս հին հետախուզական ակտիվները կարող են հայտնաբերվել ռադարային ճառագայթման միջոցով և ոչնչացվել, օրինակ, օդանավերի օգնությամբ: Եվ «Պենիցիլինին» հնարավոր չէ գտնել: Ելնելով իր առանձնահատկություններից՝ նա կաշխատի առաջնագծում»:
Այս համալիրների առաջին խմբաքանակը, համաձայն կնքված պայմանագրի, հաճախորդին է հանձնվել դեկտեմբերին: Այսինքն՝ Ռուսաստանի պաշտպանության նախարարությանն ու ռուսական բանակին: Նախկինում բանակը մատակարարվում էր հակամարտկոցային ռադարային համակարգեր՝ որոնք հայտնաբերում են թշնամու արկերը և հրթիռները ռադարների միջոցով, ինչպես նաև ձայնային չափման համակարգեր, որոնք հագեցած էին միայն ակուստիկ սենսորներով: Մոսկվայում «Պենիցիլինները» այլ երկրներին վաճառել դեռ չի նախատեսվում: Կորնևը նաև պարզաբանել է, թե ինչու է համալիրն ստացել այս անունը: «Թերևս սա արձագանք է այն փաստի, որ պենիցիլինը շատ արդյունավետ դեղամիջոց է: Եվ գաղտնի հետախուզության նման կոմպլեկսը կարող է «բուժել» ռազմաճակատի այս կամ այն կետը»,- նկատեց ռազմական փորձագետը: Ավելացնենք, որ ռուսները սիրում են իրենց նորագույն զենքերին զիլ անուններ տալ. օրինակ, «Տոչկա», «Ակացիա», «Բուրատինո», «Սոլնցեպյոկ», «Բուլավա», «Ավանգարդ», «Արմատա», «Սատանա» և այլն:
Մենք հիշում ենք ինչպես առաջին, այնպես էլ երկրորդ արցախյան պատերազմների շատ դրվագներ: Եվ գիտակցում ենք, որ շատ կորուստներ պատճառվել են հենց այն պատճառով, որ մեր զինվորականներն ու կամավորները անմիջապես չեն կողմնորոշվել, թե որտեղից են գալիս մահվան վտանգն ու սպառնալիքը: Այսպիսով, Հայաստանի Պաշտպանության պետական կոմիտեի և Արցախի Պաշտպանության պետական կոմիտեի առաջնահերթ խնդիրներից մեկը` հրատապորեն ձեռք բերել հրետանային զենքերի, ականանետերի և մարտավարական հրթիռների ռուսական ձայնային-ջերմային հետախուզական «Պենիցիլին» համակարգեր:
Մենք պարբերաբար կշարունակենք գրել, թե ինչի կարիք ունեն Հայաստանի նոր բանակն ու Արցախի Պաշտպանության բանակը:
Սերգեյ Շաքարյանց
