Սյունիքի տարածքների հանձնումը Ադրբեջանին փաստաթղթով ամրագրված չէ. Կառավարության պատասխանը․ Yerkir.am
Yerkir.am-ը գրում է․ «Կառավարույթունից պաշտոնապես վստահեցնում են, որ նոյեմբերի 10-ի՝ Հայաստանի վարչապետի, Ադրբեջանի և Ռուսատանի նախագահների համատեղ հայտարարությունից զատ որևէ հավելված փաստաթուղթ գոյություն չունի և դրան կից չեն ստորագրվել այլ համաձայնագրեր: Կառավարության հասարակայնույթան հետ կապերի վարչությունից այդ մասին պաշտոնական նամակով հայտնել են, ի պատասխան Երկիր Մեդիայի գրավոր հարցման:
Տեղեկություն ստանալու մեր մեր հարցման երկորրդ բաժնով հետաքրքրվել էինք, թե ինչու՞ չի հրապրակվում Ալիևի, Պուտինի ու Փաշինյանի համատեղ հայտարարության բնօրինակ փաստաթղթի լուսապատճենը, ինչպես եղավ, հունվարի 11-ից անմիջապես հետ՝ համապատասխան փաստաթղթղի ստորագրված բնօրինակի լուսապատճենի հրապարակմամբ:
Կառավարույթունը ներկայացրել է Վարչապետի պաշտոնական կայքի այն բաժինը, որտեղ հրապարկված է Պարտության հայտարարության լուսապատճենը: Այս դեպքում, սակայն, հատկանշական է, որ նոյեմբերի 10-ին հրապարակված Հայտարարության տեքստի մեջ այս ակտիվ հղումը վարչապետի պաշտոնական կայքում հայտնվել է մեր հարցումից հետո միայն: Ինչպես 2020թ.-ի նոյեմբերի 10-ին, այնպես էլ մեր հարցումը ձևակերպելու պահին՝ հունվարի 15, 2021 վստահաբար հաստատում ենք, որ Հայտարարության բնօրինակի լուսապատճեն տեղադրված չէր պաշտոնական որևէ կայքում:
Մեկ այլ հատկանշական հանգամանք, որ փաստվում է այս պատասխանով. Կառավարությունը հաստատում է, որ Հայտարարությանը կից այլ փաստաթղթեր, հավելվածներ չկան, հետևապես նոյեմբերի 10-ից հետո իրականացված բոլոր գործողությունները արվում են՝ հիմք ընդունելով միմիայն այս Հայտարարություն-փաստաթուղթը: Իսկ սրա մեջ որևէ հիշատակում չկա Հայաստանի Հանրապետության Սյունիքի մարզին հարակից շրջանների, սահմանազատումների մասին:
Փաստորեն, հայկական զինված ուժերի նահանջն այդ ուղղույթամբ, ռազմավարական դիրքերը թողնելը, Սյունիքի հայկական մի շարք գյուղերի, մայրուղիների հանձնումը Ադրբեջանին կատարվել է առանց որեւէ փաստաթղթային ապահովման: Նիկոլ Փաշինյանն իր հերթին հայտարարել է, որ եղել են բանավոր համաձայնություններ: Իսկ այդ բանավոր համաձայնությունների ամբողջական ծավալը հայ հասարակությանը հայտնի չէ, քանի որ չի ամրագրված որևէ փաստաթղթով, հետևապես նաև իրավական հիմք չունի:
