Երկրաբնակների կյանքից կարող են «խլել» վայրկյաններ
Գիտնականները չեն բացառում Երկրի պտույտի արագացման պատճառով տարվա տևողությունը երբեմն վայրկյանով կրճատելու հնարավորությունը, քանի որ ցերեկային լույսը սկսել է գերազանցել ատոմային ժամացույցով չափված համաշխարահային ժամանակի ընթացքը: «ՌԻԱ Նովոստի»-ի տեղեկացմամբ, այս մասին հայտնել են Ֆիզիկական, տեխնիկական և ռադիոտեխնիկայի չափումների համառուսաստանյան հետազոտական ինստիտուտից, որը ներառում է Երկրի ռոտացիայի ժամանակի, հաճախականության և պարամետրերի որոշման պետական ծառայությունը:
«Վերջին տասնամյակներին «պտտվող» օրն ավելի երկար էր, քան ատոմայինը: Հետևաբար, հարկավոր էր միջինը մեկուկես տարին մեկ լրացուցիչ մեկ վայրկյան ավելացնել UTC (Համակարգված համընդհանուր ժամանակ) ժամանակային սանդղակին: Այնուամենայնիվ, վերջին չորս տարիներին օրվա տևողությունը UT1 է (ժամանակի սանդղակ, որը որոշվում է Երկրի պտույտով) համարյա հավասար էր ատոմային օրվա տևողությանը, և լրացուցիչ վայրկյան մտցնել UTC ժամանակային սանդղակին չէր պահանջվում: Եթե Երկրի պտույտի արագացումը շարունակվի նույն տեմպերով, կարող է պարզվել, որ ոչ թե պետք է UTC սանդղակին վայրկյան ավելացնել, այլ հանել», – նշել են ինստիտուտում:
Այսպիսով, գիտնականները մեկնաբանել են մի շարք լրատվամիջոցների տեղեկությունները, որ Երկրի պտույտի արագացման պատճառով 2020 -ին միանգամից գրանցվել են պատմության մեջ 28 ամենաարագ օրերը (1960-ից), իսկ հուլիսի 19-ին օրը սովորականից ռեկորդային կարճ է տևել՝ 1,4 միլիվայրկյանով: Ենթադրվում է, որ գալիք տարին ավելի կարճ կլինի:
