Արցախ է վերադարձել 146 փախստական (տեսանյութ)
Ռուս խաղաղապահները ևս մեկ անգամ ապահովել են փախստականների անվտանգ վերադարձը նրանց բնակության վայրեր: Մարդիկ Հայաստանի Հանրապետության տարածքից վերադարձել են Լեռնային Ղարաբաղի իրենց տները:
Ավտոբուսներով Երևանից Ստեփանակերտ է տեղափոխվել 146 փախստական: Այս մասին տեղեկացնում է ռուս խաղաղապահ զորակազմի Peacekeeper թելեգրամյան ալիքը:
Ընդհանուր առմամբ 48 840 փախստականներ արդեն վերադարձել են Լեռնային Ղարաբաղ՝ իրենց մշտական բնակության վայրեր:
Ռուսաստանի խաղաղապահ զորախմբի զինծառայողները շուրջօրյա ապահովում են քաղաքացիների անվտանգ վերադարձը մշտական բնակության վայրեր, տրամադրում են մարդասիրական օգնություն և վերականգնում են քաղաքացիական ենթակառուցվածքները: