Արդեն երկրորդ անգամ Բաքվի բռնապետի պաշտոնական խոսք է սպրդում աներկբա անհանգստությունը՝ կապված հայկական հնարավոր ռևանշի հետ
Որքան էլ, որ Բաքվի բռնապետը փորձի թաքցնել, բայց արդեն երկրորդ անգամ նրա պաշտոնական խոսք է սպրդում աներկբա անհանգստությունը՝ կապված հայկական հնարավոր ռևանշի հետ։ Ֆեյսբուքյան իր էջում գրել է իրանագետ Վարդան Ոսկանյանը։
«Երեկ Մոսկվայում նախագահ Պուտինի հետ երկկողմ հանդիպման ընթացքում նա,, մասնավորապես, կրկին անդրադարձել է այս հարցին, փորձելով ստանալ նաև ռուսական աջակցության հավաստում, նշելով՝ «Ես վստահ եմ, որ հայկական կողմից չի լինի որևէ փորձ վերանայելու նոյեմբերի 9-ի հայտարարությունը, որպեսզի երկու ժողովուրդները իրենց մեջ գտնեն կամք և իմաստնություն մտածելու ապագայի և հաշտեցման մասին»։
Ակնհայտ է, որ ինչ-որ բանում վստահ մարդն ամենին կարիք չէր ունենա մեկ ամսվա մեջ երկու անգամ տարբեր ձևակերպումներով և մակարդակներում անդրադառնալ նույն խնդրին։
Հիշեցնեմ, որ ամանորյա ուղերձում Բաքվի բռնապետն ավելի բաց էր խոսել՝«Եթե որևէ մեկը Հայաստանում այսօր ապրում է ռևանշիստական տրամադրություններով, ապա նա մեծ սխալ է գործում»»,- գրել է իրանագետը։
