Իրանն ու Ադրբեջանն ուրվագծել են ճանապարհային քարտեզ՝ կապերն էլ ավելի ամրապնդելու համար․ Իրանի արտգործնախարար
Իրանն ու Ադրբեջանն ուրվագծել են ճանապարհային քարտեզ՝ կապերն էլ ավելի ամրապնդելու համար։ Այս մասին Twitter-ում գրել է Իրանի արտգործնախարար Հոսեյն Ամիր-Աբդոլահիանը։
«Բաքու կատարած մեր պաշտոնական այցի ընթացքում մենք պայմանավորվեցինք բացել նոր գլուխ»,-Բաքու կատարած այցից հետո գրել է նա։
Նա նաև նշել է, որ Ադրբեջանի նախագահ Իլհամ Ալիևի և խորհրդարանի խոսնակի հետ «ուրվագծել են կապերի հետագա ամրապնդման համար ճանապարհային քարտեզը»։
«Մենք շարունակում ենք առաջնահերթություն տալ մեր հարևաններին»,-եզրափակել է նա:
