Թուրքիայի ՆԳ նախարարին նկատել են Սիրիայում զինյալների ղեկավարի հետ, որոնք մասնակցել էին Արցախի դեմ պատերազմին
Ամերիկացի լրագրող Լինդսի Սնելն իր Twitter-ում հրապարակել է Թուրքիայի ներքին գործերի նախարար Սուլեյման Սոյլուի և «Սուլթան Մուրադ դիվիզիայի» թուրքամետ սիրիական խմբավորման հրամանատար Ֆեհիմ Իսայի լուսանկարը, որը արվել է սիրիական Էռ-Ռայ քաղաքում։
Հիշեցնենք, որ դիվիզիան Արցախում մարտական գործողություններին մասնակցել է Ադրբեջանի կողմից։ Խմբավորման անդամները Թուրքիայի օգնությամբ տեղափոխվել են Ադրբեջան։
Բացի այդ, «Սուլթան Մուրադ դիվիզիան» իր շարքերում հավաքագրել է անչափահասներին, ահա թե ինչու Թուրքիան ԱՄՆ-ի կողմից ներառվել է երեխաներին որպես զինվոր օգտագործող երկրների ցանկում։