Իրանը և «4+1» խումբը նոր փաստաթուղթ են մշակել
Վիեննայի բանակցություններին մոտ կանգնած աղբյուրները հայտնել են, որ բանակցությունները կվերսկսվեն տասը օր ընդմիջումից հետո: Չնայած որոշ եվրոպացի պաշտոնյաների և որոշ երկրների լրատվամիջոցների տարածած աղմուկին, կողմերը կարողացել են ընդհանուր եզրեր գտնել: Գրում է parstoday.com–ը:
ՀԳՀԾ-ի անդամ երկրների ավագ բանակցողները անցած շաբաթվա բանակցություների արդյունքները ամփոփելու նպատակով կրկին կհավաքվեն Վիեննայի «Քոբուրգ» հյուրանոցում: Այս բանակցությունների նպատակն է չեղարկել ճնշող պատժամիջոցները։
Եվրոպական երեք երկրների պատվիրակությունները վերադառնում են իրենց մայրաքաղաքներ՝ խորհրդակցությունների համար: Իսկ համաձայնության տեքստի մշակման հարցում զգալի առաջընթաց է գրանցվել։
Հակաիրանական պատժամիջոցների չեղարկման նպատակով Վիեննայի բանակցությունները շարունակվում են դրանք կործանելուն ուղղված ընդդիմադիր ԶԼՄ-ների արշավի և Սիոնիստական ռեժիմի գործողությունների ֆոնին, սակայն Իրանի ջանքերի շնորհիվ, դրանցում զգալի առաջընթաց է արձանագրվել: