Սկսում ենք երկրի գլխավոր դատախազի հրաժարականի գործընթացը․ Արծվիկ Մինասյան (տեսանյութ)
Մենք՝ որպես ընդդիմություն, սկսում ենք Հայաստանի գլխավոր դատախազ Արթուր Դավթյանի հրաժարականի գործընթացը։ Այս մասին դեկտեմբերի 17-ին գլխավոր դատախազության շենքի դիմաց բողոքի ակցիայի ժամանակ ասաց «Հայաստան» խմբակցության քարտուղար Արծվիկ Մինասյանը։
Նա գլխավոր դատախազության բոլոր աշխատակիցներին, ում համար թանկ է Հայրենիքը, կոչ արեց համախմբվել, միանալ ժողովրդին և պահանջել արժանի դատախազություն ձևավորել։
«Գլխավոր դատախազությունը փորձում է կոտրել ժողովրդի դիմակայությունը։ Մենք դա թույլ չենք տա։ Քրեական գործեր են հարուցում անձանց դեմ, ովքեր ոտքի են կանգնել՝ ի պաշտպանություն իրենց Հայրենիքի։ Դատախազները պատասխան կտան ապօրինի քրեական գործերով որպես մեղադրողներ հանդես գալու համար։ Կոչ եմ անում դադարեցնել անօրինական հրահանգներ տվող մարդկանց ծառայելը։ Այսօր ձեր աչքի առաջ Հայաստանը բզկտվում է, և դուք չեք ցանկանում դիմակայել դավաճանների դեմ, անտեսում եք ծանր հանցագործությունների նշաններ պարունակող փաստերը»,- ասաց Մինասյանը։
Մանրամասները՝ տեսանյութում