Աջափնյակի դատարանի թիվ 1 դահլիճի տարածքում գրանցվել է ժամանակատարածային կոնտինուումի խաթարման աննախադեպ դրսևորում
Հրավիրում եմ աշխարհի բոլոր առաջատար ֆիզիկոսների, ապագա Էյնշտեյնների ու Սթիվեն Հոքինգների ուշադրությունը‼
Երևան քաղաքի արևմտյան հատվածում, մասնավորապես Աջափնյակի դատարանի թիվ 1 դահլիճի տարածքում գրանցվել է ժամանակատարածային կոնտինուումի խաթարման աննախադեպ դրսևորում, որի ուսումնասիրումը հավանաբար նոր լիցք կհաղորդի «ժամանակի մեքենա» ստեղծելու՝ պայծառ ուղեղների դարավոր երազանքին։
Բանն այն է, որ ըստ օրենքի՝ ձերբակալման դեմ բողոքներով դատարանը պիտի որոշում կայացնի 24 ժամվա ընթացքում, մինչդեռ ամսի 14-ին ժամը 18:47-ին ներկայացված բողոքիս ճակատագրի վերաբերյալ ոչ մի խաբարություն չունեմ մինչ այս պահը՝ ամսի 16-ի ժամը 11:47-ը։ Այս տարօրինակ երևույթի միակ գիտական բացատրությունը ժամանակատարածային ռիթմի ասինխրոն տատանումների ակումուլյացիան է՝ պայմանավորված երկրագնդի կոնկրետ հատվածում տեղի ունեցող տեկտոնիկ մոբիլությամբ։
Ռուբեն Մելիքյանի ֆեյսբուքյան էջից
