Փաշինյան-Ալիև հանդիպումը տեղի կունենա դեկտեմբերի 14-ին
Եվրոպական խորհրդի նախագահ Շառլ Միշելը դեկտեմբերի 14-ին Բրյուսելում եռակողմ հանդիպում կունենա Հայաստանի ու Ադրբեջանի ղեկավարների հետ։ Այս մասին գրում է ՏԱՍՍ գործակալությունը՝ վկայակոչելով ԵՄ բարձրաստիճան պաշտոնյայի հայտարարությունը։
«ԵԽ նախագահը վաղը նախ հանդիպում կունենա Նիկոլ Փաշինյանի, ապա՝ Հեյդար Ալիևի հետ։ Իսկ երեկոյան նրանց հետ եռակողմ հանդիպում կանցկացնի»,-ասել է նա։
Եվրոպացի դիվանագետը նշել է, որ հանդիպման նպատակն է օգնել այդ երկու երկրներին ուղիղ կապ ունենալու և հարաբերությունները կարգավորելու հարցում։
«Մենք ջանասիրաբար աշխատում ենք Հայաստանի և Ադրբեջանի հետ՝ նրանց միջև վստահության մակարդակը բարձրացնելու ուղղությամբ՝ հիմնվելով մի քանի շաբաթ առաջ երկու երկրների պաշտպանության նախարարների միջև ուղիղ կապի հաստատման վրա», – հավելել է Շառլ Միշելը։
Նախատեսվում է, որ եռակողմ հանդիպման արդյունքում կհրապարակվի հայտարարություն։