ԱԳՆ-ի մոտից ոստիկանություն բերման է ենթարկվել 13 անձ
Այսօր Արտաքին գործերի նախարարության մոտից ոստիկանություն բերման է ենթարկվել 13 անձ։
Ոստիկանության փոխանցմամբ, նրանք բերման են ենթարկվել Վարչական իրավախախտումների վերաբերյալ օրենսգրքի 182 հոդվածով նախատեսված արարք կատարելու համար (ոստիկանության ծառայողների օրինական պահանջը չկատարելը):
Ավելի վաղ տեղեկացրել էինք, որ «Ազատագրական շարժման» անդամները բողոքի ակցիա էին իրականացնում ԱԳՆ-ի շենքի մոտ: Նրանք հայտարարել են, որ կառավարությունը քաղաքականություն է որդեգրել՝ Արցախն Ադրբեջանի կազմում թողնելու մասին և ԱԳՆ-ից պաշտոնական պատասխան էին պահանջում։
Ինչպես տեղեկացրել էինք, բերման են ենթարկվել նաև շարժման անդամներ Նաիրի Հոխիկյանը և Վահանգն Չախալյանը։