Փաշինյանի օրոք արդյունավետ քննարկումների մասին խոսելն ապարդյուն է․ Աննա Մկրտչյան (տեսանյութ)

«Մենք ներկայացուցիչ չունենք որևէ ֆորմատում՝ դա կլինի «3+3», Մինսկի խմբի համանախագահների հետ հանդիպում, թե Սոչիում, թե Բրյուսելում կայանալիք հանդիպումը։ Դուք համարում եք, որ մենք այնտեղ ներկայացուցիչ ունե՞նք»,-այս մասին ԱԺ-ում լրագրողների հետ ճեպազրույցում ասաց ԱԺ «Պատիվ ունեմ» խմբակցության պատգամավոր Աննա Մկրտչյանը։

Պատգամավորի խոսքով՝ մի քանի ամիս առաջ կար հնարավորություն ՄԱԿ-ի ամբիոնից խոսելու, որ Արցախի ժողովրդի, հայ ժողովրդի նկատմամբ իրականացվել են պատերազմական բազմաթիվ հանցագործություններ։

«Այդ հանցագործությունների հիմնավորումները տվել էին միջազգային կազմակերպությունները, դաշնակից պետությունների անվտանգային մարմինները։ Պետք էր այդ ամենը հավաքել ու ներկայացնել ՄԱԿ-ի երկրներին։ Մեր գլխացավանքը «3+3»-ը չէ, մեր գլխացավանքը Նիկոլն է, երբ դրանից ազատվենք, բոլոր ձևաչափերում ունենանք Հայաստանի ներկայացուցիչ, նոր կարող ենք արդյունավետ քննարկումներ ունենալ»,-նշեց «Պատիվ ունեմ» խմբակցության ՀՀԿ-ական պատգամավորը։

Աննա Մկրտչյանը նշեց, որ Նիկոլ Փաշինյանի օրոք, որը մի օր գերուն հերոսացնում է, մյուս օրը հանցագործ որակում, մի օր ասում է՝ չկրակելու հրաման չի տվել, հաջորդ անգամ հայտարարում է, որ բանավոր պայմանավորվածություն Ադրբեջանի հետ չի կարող ձեռք բերվել, դավաճանություն է, արդյունավետ քննարկումների մասին խոսելն ապարդյուն է։

Մանրամասները՝ տեսանյութում