Էրդողանի այցի ընթացքում Թուրքիայի և Կատարի միջև 15 փաստաթուղթ է ստորագրվել
Պաշտոնական այցով Կատարում գտնվող Թուրքիայի նախագահ Ռեջեփ Թայիփ Էրդողանը հանդիպել է Կատարի էմիր Թամիմ բին Համադ ալ-Թանիի հետ։ Երկրների ղեկավարներից բացի հանդիպում բանակցություններ են տեղի ունեցել նաև ընդլայնված պատվիրակությունների կազմով: Դրանց ավարտի Թուրքիայի ու Կատարի միջև 15 փաստաթուղթ է ստորագրվել: Այս մասին հայտնում է Ermenihaber.am-ը։
Ստորագրված համաձայնագրերն ու պայմանագրերը ստորև.
Համագործակցության համաձայնագիր Թուրքիայի պետական Anadolu գործակալության և Կատարի լրատվական գործակալության միջև:
Փոխըմբռնման հուշագիր Նախագահի ներդրումային գրասենյակի և Կատարի գործարարների ասոցիացիայի միջև:
Փոխըմբռնման հուշագիր Թուրքիայի Հանրապետության Կրոնական հարցերի վարչության և Կատարի Պետության Հիմնադրամների և Իսլամական հարցերի վարչության միջև՝ Հիմնադրամների և իսլամին վերաբերող հարցերի ոլորտում:
Փոխըմբռնման հուշագիր Թուրքիայի Ստանդարտների ինստիտուտի և Կատարի ընդհանուր ստանդարտացման կազմակերպության միջև Ստանդարտացման ոլորտում ծրագրի գործարկման վերաբերյալ:
Փոխըմբռնման հուշագիր Թուրքիայի Փոքր և միջին ձեռնարկությունների զարգացման և աջակցության վարչություն և Կատարի զարգացման բանկի միջև:
Թուրքիայի Հանրապետության կառավարության և Կատարի Պետության կառավարության միջև առողջապահության և բժշկական գիտությունների ոլորտներում համագործակցության իրականացման ծրագիր:
Թուրքիայի Հանրապետության մշակույթի և զբոսաշրջության նախարարության և Կատարի նահանգի մշակույթի և սպորտի նախարարության միջև 2022-2023 թվականների մշակույթի ոլորտում իրականացվելիք երկրորդ ծրագիր:
Թուրքիայի Հանրապետության կառավարության և Կատարի Պետության կառավարության միջև երիտասարդության և սպորտի ոլորտում 2022-2023-2024 թվականների իրականացվելիք առաջին ծրագիրը:
Թուրքիայի Հանրապետության ներքին գործերի նախարարության Աղետների և արտակարգ իրավիճակների կառավարման վարչության և Կատարի ներքին գործերի նախարարության քաղաքացիական պաշտպանության գլխավոր վարչության միջև Աղետների և արտակարգ իրավիճակների կառավարման վերաբերյալ փոխըմբռնման հուշագիր:
Թուրքիայի Հանրապետության կառավարության և Կատարի Պետության կառավարության միջև խոշոր միջոցառումների իրականացման նպատակով համագործակցության մտադրությունների վերաբերյալ արձանագրություն:
Անթալիայի դիվանագիտական ֆորումի և Դոհայի ֆորումի միջև ինստիտուցիոնալ համագործակցություն հաստատելու մտադրությունների վերաբերյալ արձանագրություն:
Արարողակարգի ոլորտում համագործակցության մասին փոխըմբռնման հուշագիր:
Թուրքիայի Հանրապետության և Կատարի Պետության միջև բարձրագույն ռազմավարական կոմիտեի յոթերորդ հանդիպման համատեղ հայտարարությունը:
Ֆաթիհ Սուլթան Մեհմեդ համալսարանի և Կատարի Ակադեմիայի միջև ակադեմիական համագործակցության համաձայնագիր:
Համագործակցության համաձայնագիր Իբն Հալդունի համալսարանի և Կատարի համալսարանի միջև:
