Լևոն Արոնյանը դեկտեմբերի 1-ից հանդես կգա ԱՄՆ-ի դրոշի տակ
Երկար տարիներ Հայաստանը ներկայացրած գրոսմայստեր Լևոն Արոնյանը դեկտեմբերի 1-ից հանդես կգա ԱՄՆ-ի դրոշի տակ: Այդ մասին տեղեկացնում է chess24 կայքը: Հայաստանի շախմատի ֆեդերացիան արդեն տվել է այդ տեղափոխության համաձայնությունը:
Շախմատի միջազգային ֆեդերացիան` ՖԻԴԵ-ն, հրապարակել է 100 լավագույն շախմատիստների վարկանիշները: Լևոն Արոնյանը նահանջել է երկու աստիճանով և այժմ 2772 միավորով զբաղեցնում է 6-րդ տեղը: Առաջին 100-յակում տեղ են զբաղեցրել նաև մեր գրոսմայստերներ Գաբրիել Սարգսյանն (54-րդ տեղ) ու Հրանտ Մելքումյանը (99):
Աղյուսակը վստահորեն գլխավորում է աշխարհի չեմպիոն Մագնուս Կառլսենը` 2856 միավոր, իսկ ահա չեմպիոնի կոչման հավակնորդ Յան Նեպոմյաշչին զբաղեցնում է 5-րդ հորիզոնականը: Ֆրանսիան ներկայացնող իրանցի գրոսմայստեր Ալիռեզա Ֆիրուջան դարձել է առաջին 19-ամյա շախմատիստը, որն վաստակել է 2800-ից ավելի վարկանիշային միավոր: Նա այժմ ունի 2804 միավոր:
