Հայաստանում կորոնավիրուսով վարակվել է ևս 860 քաղաքացի, 28 հիվանդ մահացել է
Հայաստանում նոյեմբերի 24-ի դրությամբ հաստատվել է կորոնավիրուսով վարակման 860 նոր դեպք, վարակվածների ընդհանուր թիվը հասել է 335 738-ի:
Ինչպես տեղեկացնում է ՀՀ ԱՆ հիվանդությունների վերահսկման և կանխարգելման ազգային կենտրոնը, մեկ օրում կորոնավիրուսի հետևանքով մահացել է 23 քաղաքացի, մահացածների թիվը 7379 է:
Կորոնավիրուսով վարակված բուժառուների՝ այլ հիվանդությունից մահվան 5 դեպք է գրանցվել: Նոյեմբերի 24-ի դրությամբ մահվան այս դեպքերի թիվը 1410 է: Մեկ օրում, ընդհանուր առմամբ, մահացել է 28 քաղաքացի։ Մահվան ընդհանուր դեպքերի թիվը հասել է 8789-ի:
Մեկ օրում առողջացածների թիվը 939 է, ընդհանուր առողջացածներինը՝ 309 861, փաստացի բուժվողներինը՝ 17 088: Մեկ օրում արվել է 8283 թեստավորում, ընդհանուր առմամբ առ այսօր արվել է 2 326 835 թեստավորում:
