Միայն միասին կարող ենք խափանել այս հայակործան ծրագիրը․ Զոհրաբյան
ԴՈՒ ԱՐԹՈՒՆ ՀԱՅ ԵՍ
- Անհանգստացած ես ստեղծած իրավիճակով…
- հիշում ես քո նախնիներին ցեղասպանած թուրքի դաժանությունը և խորամանկությունը…
- թուրքի սուտ խոստումներին չե՞ս հավատում…
- հիշողությունդ լարում ես ու չես հիշում, որ թուրք-ադրբեջանական երկրի որևէ ղեկավարից լսել ես իրենց պատկերացրած պետության տարածքում գտնվող որևէ բնակավայր համարեն հայկական…
- առանց հիշողությունդ լարելու տեսնում ես, որ Հայաստանը ներկայացնող Նիկոլ Փաշինյանը Հայաստանի տիրապետման տակ գտնվող բնակավայրերը ադրբեջանական է համարում…
- հիշում ես, որ 2020թ. նոյեմբերի 9-ի կապիտուլացիոն թուղթը քեզ ներկայացվում էր, որպես պատերազմը կանգնեցնելու և զոհերը դադարեցնելու միակ միջոց…
- հիշում ես, որ կապիտուլացիոն թղթում չգրված տարածքներն ու բնակավայրերը Հայաստանը ներկայացնող Նիկոլ Փաշինյանի հրամանով հանձնվել է ադրբեջանցուն…
- զգում ես, որ հերոսություն ցուցաբերած զինվորականի կերպարը պետական մակարդակով չի խրախուսում…
- զգում ես, որ դիրքում կանգնած զինվորի թիկունքին իշխանությունը կանգնած չէ…
- տեսնում ես, որ կապիտուլացիոն թուղթը մեզ չօգնեց, և կրկին զոհեր ու գերիներ ունեցանք…
- զգում ես, որ Հայաստանը ներկայացնող Նիկոլ Փաշինյանը հերթական 2-րդ փրկության օպերացիան է բեմականացնում…
- հիշում ես Հովհաննես Թումանյանի «Չարի վերջը» հեքիաթի հիմար կկվին…
- քեզ խաբված ու նվաստացված ես զգում…
- մեջդ ցանկություն է առաջացել խանգարել այս հայակործան ծրագրին…
ՈՒՐԵՄՆ ԴՈՒ ԱՐԹՆԱՑԱԾ ՀԱՅ ԵՍ:
Զարթնիր ու արթնացրու ընկերոջդ:
Միայն միասին կարող ենք խափանել այս հայակործան ծրագիրը:
Արա Զոհրաբյանի ֆեյսբուքյան էջից։