Մի ամաչեք տղերք, մի նեղվեք, պատմեք մարդկանց, թե ի՞նչ «դրական ազդակներ» եք ուղարկել թուրքերին
Թուրքիայի և Հայաստանի իշխանությունների քաղաքական սիրախաղը ընթանում է դասական կանոնների համաձայն։
Հետաքրքիր է հետևել, թե ինչպես իրար պատկերավոր օդային պաչիկներ` այլ կերպ ասած «դրական ազդակներ» են ուղարկում թուրք և հայ պաշտոնյաները։
Սկզբից հայկական իշխանությունները խոսեցին թուրքական «դրական ազդակների» մասին, սակայն չմանրամասնեցին, թե այդ ի՞նչ խորհրդավոր ազդակներ են և ինչո՞ւ են դրական։
Այսօր արդեն Թուրքիայի ԱԳՆ֊ի ղեկավար Մեվլյութ Չավուշօղլուն ընդգծել է, որ արդեն Թուրքիան է ստացել Հայաստանի իշխանություններից շատ խոստումնալից «դրական ազդակներ»։
Տղերք, էս ի՞նչ «դրական ազդկաներ» եք թուրքերին ուղղում և թուրքերից ստանում։
Չեմ ուզում առայժմ ինչ-որ եզրակացություն անել, սակայն եթե հստակ և պարզ չպարզաբանեք, թե իրականում ի՞նչ գործընթացներ եք գեներացնում հայ-թուրքական հարաբերությունների ուղղությամբ, ապա այս անհասկանալի շղարշը, որով պատված է, թուրքերի հետ միանշանակ բերելու է շատ և շատ վատ հետևանքների։
Մի՛ ամաչեք տղերք, մի նեղվեք, պատմեք մարդկանց, թե ի՞նչ «դրական ազդակներ» եք ուղարկել թուրքերին։
Սիրտներդ թեթևացրեք։
Արման Աբովյանի ֆեյսբուքյան էջից
