Հասարակական տրանսպորտով երթևեկության վճարման էլեկտրոնային համակարգ կներդրվի․ Մարության
2-3 ամսից կսկսվի տրանսպորտում երթևեկության համար վճարման քարտային համակարգի ներդրումը։ Այս մասին հոկտեմբերի 26-ին Երևանի ավագանու նիստին հայտարարեց քաղաքապետ Հայկ Մարությանը։
Նա պարզաբանեց, որ այս շաբաթ էլեկտրոնային վճարումների համակարգի ներդրման մրցույթ կհայտարարվի:
«Դա նույնիսկ ավելի լավ կլինի, քան որոշ եվրոպական քաղաքներում, քանի որ կլինի ամենաժամանակակից համակարգը: Ժամանակավոր կգործեն և կանխիկ վճարման համակարգը, և էլեկտրոնային համակարգը, իսկ որոշ ժամանակ անց մենք ամբողջությամբ կանցնենք էլեկտրոնային համակարգին»,- ասաց Մարությանը։
