Թուրքիայում քուրդ կին ակտիվիստ Այշե Գյոքքանը դատապարտվել է 30 տարվա ազատազրկման

Թուրքիայում գործող  քրդական «Ազատ կանանց» շարժման (Tevgera Jinên Azad-TJA) խոսնակ Այշե Գյոքքանը դատապարտվել է 30 տարվա ազատազրկման։  Հաղորդում է Ermenihaber.am-ը։

Նա մեղադրվում է «ահաբեկչական կազմավորման անդամ և ղեկավար լինելու» մեջ։ Ազատազրկման որոշումը կայացրել է Դիարբեքիրի ծանր հանցագործությունների 9-րդ դատարանը։

Նշենք, որ նախկինում մի քանի անկամ ձերբակալված և ազատ արձակված Այշե Գյոքքանը կալանավորվել և ազատազրկվել է 2021 թվականի փետրվարի 1-ին։