Թալիբների պատվիրակությունը ժամանել է Մոսկվա
Թալիբների պատվիրակությունը, որը Ռուսաստանում արգելված ահաբեկչական կազմակերպություն է համարվում, ժամանել է Ռուսաստանի մայրաքաղաք: Աֆղանստանի վերաբերյալ Մոսկվայի ձևաչափով բանակցությունները պետք է անցկացվեն Մոսկվայում:
Ինչպես գրում է «ՌԻԱ Նովոստի»-ն, հյուրերը կանցկացնեն նաև երկկողմ հանդիպումներ:
«Այո, ինչո՞ւ ոչ», – լրագրողների հարցին ի պատասխան ասել է շարժման խոսնակ Խայրուլլահ Խայրխահը:
Հիմնական թեմայով խորհրդակցություններին և ֆորումին կմասնակցեն տարածաշրջանի տասը երկրների պատվիրակներ, Ռուսաստանի արտգործնախարար Սերգեյ Լավրովը և Աֆղանստանի ներկայիս կառավարության ղեկավարի տեղակալ Աբդուլ Սալամ Հանաֆին:
Քննարկվող հարցերն են՝ Աֆղանստանում ռազմաքաղաքական իրավիճակը իշխանափոխությունից հետո, հումանիտար օգնությունը և ներառական կաբինետի ձևավորումը:
Չնայած սեպտեմբերի սկզբին թալիբները հայտարարեցին կառավարության կազմը, շատ մայրաքաղաքներ կարծում էին, որ հակառակ խոստումների, այն չի կարող ներկայացնել երկրի բոլոր էթնո-դավանաբանական և քաղաքական ուժերը:
Հիշեցնենք, որ օգոստոսին, ամերիկյան զորախմբի դուրսբերման ֆոնին, թալիբները գրավեցին իշխանությունը Աֆղանստանում, ինչը դարձավ հումանիտար, տնտեսական և քաղաքական ճգնաժամի պատճառ, առաջացրեց փախստականների հոսք հարևան պետություններ:
