Ռուս խաղաղապահներն ապահովում են տրանսպորտի և մարդկանց անվտանգ ելքն ու մուտքը Լաչինի միջանցքով. ՌԴ ՊՆ
Ռուսական խաղաղապահ զորակազմի զինծառայողները շուրջօրյա վերահսկողություն են իրականացնում Լեռնային Ղարաբաղի 27 դիտակետում և ապահովում են ավտոմոբիլային տրանսպորտի և մարդկանց անվտանգ ելքն ու մուտքը Լաչինի միջանցքով: Այս մասին ասվում է ՌԴ ՊՆ:
«Ցուցադրում ենք ռուսական խաղաղապահ զորակազմի ներկայությունը: Ապահովում ենք տարանցիկ տրանսպորտի տեղաշարժի անվտանգությունը: Յուրաքանչյուր մեքենա ստուգման է եթարկվում, իսկ անհրաժեշտության դեպքում՝ զննման: Ծառայություն է վարվում ինչպես ցերեկը, այնպես էլ գիշերը»,- ասել է խաղաղապահ զորակազմի ներկայացուցիչ Ալեքսանդր Ռիպսկին:
Նշվում է, որ բոլոր դիտակետերում ընթացիկ իրավիճակի վերահսկման համար տեղակայված են հսկման տեսախցիկներ:
