Ակադեմիկոս Ալեքսանդր Չուբարյանին Պուտինը պարգևատրել է «Հայրենիքի առջև վաստակի համար» 1-ին աստիճանի շքանշանով
Ռուս ականավոր պատմաբան, Ռուսաստանի գիտությունների ակադեմիայի ընդհանուր պատմության ինստիտուտի գիտական տնօրեն, ակադեմիկոս Ալեքսանդր Չուբարյանը Ռուսաստանի Դաշնության նախագահ Վլադիմիր Պուտինի հրամանագրով պարգևատրվել է «Հայրենիքին առջև վաստակի համար» 1-ին աստիճանի շքանշանով:
Չուբարյանը պարգևատրվել է պատմական գիտության զարգացման գործում նշանակալի ավանդի և երկար տարիների բեղմնավոր աշխատանքի համար:
Ալեքսանդր Օհանովի Չուբարյանը ծնվել է 1931 թվականի հոկտեմբերի 14-ին Մոսկվայում: 1955 թվականին ավարտել է Մոսկվայի Լոմոնոսովի անվան պետական համալսարանի պատմության բաժինը: Պատմական գիտությունների դոկտոր է (1971): 1994-ին ընտրվել է թղթակից անդամ, 2000-ին՝ Ռուսաստանի գիտությունների ակադեմիայի ակադեմիկոս: 1988-2015 թվականներին աշխատել է որպես ընդհանուր պատմության ինստիտուտի տնօրեն, այնուհետև զբաղեցրել է ռազմական հետազոտությունների ինստիտուտի գիտական տնօրենի պաշտոնը:
