Երևանից «դրական ազդակներ» են հնչում․ Բաքվի արձագանքը

Սահմանների դելիմիտացիայի հարցի լուծման վերաբերյալ Երևանից  «դրական ազդակներ» են հնչում, Բաքուն հույս ունի, որ գործընթացը կառուցողական հունով կընթանա, հայտարարել է Ադրբեջանի ԱԳՆ խոսնակ Լեյլա Աբդուլաևան։

«Ընդհանուր առմամբ, Ադրբեջանը կողմ է բոլոր երկրների հետ հարաբերությունների հաստատմանը՝ միմյանց միջազգային սահմանների նկատմամբ հարգանքի հիմքի վրա, դա մեր երկրի անփոփոխ դիրքորոշումն է։ Հայտնի է, որ մենք պատրաստակամություն ենք հայտնել, մասնավորապես, Հայաստանի հետ հարաբերությունները բարելավել՝ հիմնվելով միջազգային իրավունքի այս հիմնարար սկզբունքի վրա, և բանակցություններ սկսել սահմանների դելիմիտացիայի հարցի շուրջ։ Հայաստանի և Ադրբեջանի սահմանների դելիմիտացիան երկկողմանի գործընթաց է, և վերջերս մյուս կողմից ստացված դրական ազդակները հույս են ներշնչում, որ այն կառուցողական զարգացում կունենա»,- հայտարարել է Աբդուլաևան լրագրողներին։