Սահակաշվիլին հացադուլ է հայտարարել
Վրաստանի հանրային պաշտպան Նինո Լոմջարիան ասել է, որ Ռուսթավիի բանտում գտնվող Միխեիլ Սահակաշվիլին հացադուլ է սկսել:
Այս մասին հայտնում է Aliq.ge-ն։
Սահակաշվիլին, նաև որպես Ուկրաինայի քաղաքացի, հանդիպում է պահանջում Ուկրաինայի հյուպատոսի հետ: Ըստ Հանրային պաշտպանի` Սաակաշվիլին տեղեկացրել է, որ ձերբակալության ժամանակ դիմադրություն չի ցուցաբերել իրավապահ մարմինների աշխատակիցներին, և իր նկատմամբ ուժ չի կիրառվել:
«Երբ ես ներս մտա, նա բժիշկների գրասենյակում էր, բժշկական զննում էր անցնում, իսկ հետո մենք հնարավորություն ունեցանք զրուցել խցում: Ինձ հետաքրքրում էին ձերբակալության հանգամանքները, արդյոք եղել է ոչ պատշաճ վերաբերմունք կամ ուժի կիրառում, արդյոք նա վնասվածքներ ունի: Միխեիլ Սաակաշվիլիի խոսքով՝ նա այսօր բերման է ենթարկվել Թբիլիսիի բնակելի շենքերից մեկից: Նա ասաց, որ միայնակ է եղել, երբ նրան ձերբակալել են ոստիկանները: Նշում է, որ բուժումը գոհացուցիչ էր: Հայտարարում է հացադուլ եւ որպես Ուկրաինայի քաղաքացի, պահանջում է հանդիպում Ուկրաինայի հյուպատոսի հետ»,- ասել է Նինո Լոմջարիան:
