Երևանում այսօր վերջին հրաժեշտն են տալիս սիրված երգիչ Հայկոյին
Երևանում այսօր վերջին հրաժեշտն են տալիս ՀՀ վաստակավոր արտիստ, սիրված երգիչ, երգահան Հայկոյին (Հայկ Հակոբյան): Արամ Խաչատրյան համերգասրահում են հարազատները, ընկերները, գործընկերներն ու հազարավոր երկրպագուներ, որտեղ սիրված երգչի երաժշտության և ծափահարությունների ուղեկցությամբ ճանապարհում են նրան Վերև:
Սիրված երգիչը կյանքից հեռացել է սեպտեմբերի 29-ին՝ 48 տարեկանում՝ կորոնավիրուսային հիվանդության հետևանքով: Հայկոյի հոգեհանգիստը կայացել էր երեկ՝ Կոնդի Սուրբ Հովհաննես եկեղեցում: Հայկոյի աճյունը կամփոփվի Երևանի քաղաքային պանթեոնում: