Էրդողանի խոսնակը հաստատել է Արցախյան պատերազմին Թուրքիայի մասնակցությունը
Թուրքիայի նախագահի մամուլի քարտուղար Իբրահիմ Քալինը թուրքական Haber Global լրատվական գործակալությանը տված հարցազրույցում հերթական անգամ հաստատել է Թուրքիայի մասնակցությունը Արցախյան 44-օրյա պատերազմին, գրում է «Բաղրամյան 26» թելեգրամյան ալիքը:
«Ղարաբաղում հաղթանակը մեզ համար առանձնահատուկ նշանակություն ունի թուրքական զինված ուժերի տեսանկյունից: FETÖ-ի (Գյուլենական շարժում) անդամները հեռացվել են բանակից 2016 թվականի հուլիսի 15-ի պետական հեղաշրջման փորձից հետո: Այն ժամանակ ասվեց, որ թուրքական բանակը չի կարողանա վերականգնել իր նախկին հնարավորությունները: Տեղի ունեցավ ճիշտ հակառակը… Մենք շատ հաջող ռազմական գործողություններ ենք իրականացրել ՝ Սիրիայի հետ մեր սահմանը ապահովելու համար՝ ահաբեկչական կազմակերպությունների դեմ պայքարում…
Մեր երրորդ միջամտությունը՝ հաղթանակն էր Ղարաբաղում: Մենք այդպիսի մեծ հաջողությունների ենք հասել մեր զինված ուժերի, արտաքին գործերի նախարարության գործողությունների լավ համակարգման և մեր նախագահի շատ ճկուն ղեկավարման արդյունքում», – ասել է Քալինը:
