«Յութուբն» արգելել է ԱՄՆ-ի և Գերմանիայի ընտրությունների արդյունքները կասկածի տակ դնող հրապարակումները
Տեսահոսթինգի «Յութուբ» ծառայությունն արգելել է ընտրությունների արդյունքները կասկածի տակ դնող հրապարակումները․ կանոնը վերաբերում է Գերմանիայի Բունդեսթագի վերջին ընտրություններին: Գրում է «ՌԻԱ Նովոստին»:
«Այս կատեգորիան (հրապարակումը, որը կասկածի տակ է դնում ընտրությունների արդյունքները) ներառում է նյութեր, որոնք պարունակում են կեղծ պնդումներ, թե անցած համընդհանուր ընտրությունների արդյունքների վրա ազդել են լայնածավալ կեղծիքները, վերջնական արդյունքները պաշտոնապես հաստատվելուց հետո համակարգերի շահագործման մեջ սխալները կամ տեխնիկական խափանումները», – նշվում է «Ընտրությունների մասին կեղծ տեղեկատվության վերաբերյալ կանոնի մեջ»:
Այս կանոնը ներկայումս կիրառվում է ԱՄՆ բոլոր անցած նախագահական և Գերմանիայի 2021 թվականի խորհրդարանական ընտրությունների համար:
Կանոններին չհամապատասխանող բովանդակությունը կհեռացվի: Եթե կանոնները խախտվեն երեք անգամ, օգտվողի ալիքը կարգելափակվի: