Բորելը հայտարարել է Քաբուլում ներկայացուցչություն բացելու ԵՄ-ի ծրագրերի մասին
Եվրամիությունն աշխատում է Աֆղանստանի մայրաքաղաքում համատեղ գրասենյակ բացելու ուղղությամբ, ասել է ԵՄ բարձրաստիճան ներկայացուցիչ Ժոզեպ Բորելը:
«Մենք աշխատում ենք այդ ուղղությամբ: Բայց անվտանգության հարցերով չենք կարող մանրամասներ հաղորդել»,- ասել է նա լրագրողներին՝ պատասխանելով Քաբուլում ԵՄ համատեղ առաքելության բացման ժամկետների մասին հարցին: Գրում է interfax.ru-ն:
Օգոստոսի 15 -ին թալիբները գրավեցին Քաբուլը, որոնք մինչ այդ աստիճանաբար վերահսկողություն էին հաստատում Աֆղանստանի շրջաններին և արտաքին սահմանին: Շատ երկրներ տարհանել են իրենց դիվանագետներին Աֆղանստանից: Օրինակ, Ռուսաստանը պահել է Քաբուլում գտնվող դեսպանատան անձնակազմի մի մասը, և իշխանափոխությունից հետո առաջին իսկ օրերին համաձայնել թալիբների հետ դիվանագիտական ներկայացուցչության պաշտպանության հարցում: Միացյալ Նահանգները որոշել է Դոհայում իր հյուպատոսարանը օգտագործել Թալիբանի հետ դիվանագիտական հարաբերությունների համար:
Սեպտեմբերի 22-ին թալիբները հայտարարել էին, որ նշանակել են իրենց ներկայացուցչին ՄԱԿ-ում և խնդրել էին թույլատրել ելույթ ունենալ ՄԱԿ-ի Գլխավոր ասամբլեայում: Այս հարցը մինչ այժմ մնում է չլուծված: