Մահացել է թարգմանիչ, դիվանագետ Համլետ Գասպարյանը
71 տարեկանում կյանքից հեռացել է թարգմանիչ, դիվանագետ Համլետ Գասպարյանը: Համլետ Գասպարյանը երկար տարիներ աշխատել է ՀՀ ԱԳՆ-ում, եղել է Ֆրանսիայում ՀՀ արտակարգ դեսպանորդ, Ռումինիայում, Չեռնոգորիայում՝ դեսպան:
Գասպարյանը 1974-1988 թթ․ աշխատել է Երևանի հրատարակչություններում որպես սրբագրիչ, հրատարակչական խմբագիր։ Մասնակցել է «Ազգ» թերթի հիմնադրմանը, որտեղ աշխատել է որպես խմբագիր։
Հեղինակել է բազմաթիվ հոդվածներ, կազմել և խմբագրել գրքեր, թարգմանել գեղարվեստական ստեղծագործություններ։
Նա 2018թ․ նշանակվել է ՀՀ նախագահ Արմեն Սարգսյանի խորհրդական։
Համլետ Գասպարյանը 2020-ին պարգևատրվել է Մխիթար Գոշի մեդալով: