Հայաստանի իշխանություններն իրենց լիազորությունները փոխանցել են Իրանի և Ադրբեջանի իշխանությունների՞ն․ Աբովյան
Հիշո՞ւմ եք, թե ինչպիսի համառությամբ Հայաստանի իշխանությունները փորձում են մեզ ապացուցել, որ թուրք-ադրբեջանական ուժերի կողմից բռնազավթված Գորիսի և Կապանի միջև ընկած հատվածը պատկանում է Ադրբեջանին:
Ասեմ ավելին՝ իրանական բեռնատարների տեռորի հետ կապված,ՀՀ -յան իշխանավորները խորհուրդ տվեցին Իրանին և Ադրբեջանին հարցը կարգավորել իրար մեջ:Սա նույնիսկ զավեշտ չէ,այս կեցվածքը իրականում նույնիսկ որակավորում չունի։
Այժմ ադրբեջանցիները ահաբեկում են արդեն մեզ, հետաքրքիր է,կրկին խորհուրդ կտաք ,որ Իրանն ու Ադրբեջանը կարգավորե՞ն հայկական ավտոբուսների և բեռնատարների խնդիրները:
Ես չեմ հասկանում, Հայաստանի իշխանություններն իրենց լիազորությունները փոխանցել են Իրանի և Ադրբեջանի իշխանությունների՞ն: Ես լրջորեն եմ հարցնում։
…
Ադրբեջանցիներն Գորիս-Կապան ճանապարհին էքսկավատորային դույլով վնասել են հայկական բեռնատարը։
Մյուս բեռնատար մեքենաների վարորդներին երկար ժամանակ ստուգել ու ահաբեկել են:
Ջիպերով մոտեցել են նրանց և ասացել. «Եթե հաջորդ անգամ չկանգնեք, հենց մենք կասենք՝ կրակելու ենք»:
Այդ իսկ պատճառով, այսուհետ ընկերությունը կփոխադրի ապրանքները միայն Տաթևի շրջանցումով: Այս ճանապարհն է, որ կարող է ելք դառնալ այս իրավիճակից, կարծում է փորձագետը:
Բայց 20 տոննայանոց ծանր բեռնատարները չեն կարողանա անցնել այնտեղով: Արդյունքում դրանք պետք է կանգնեցվեն Մեղրիում, բեռը պետք է վերաբեռնվի 10 տոննայանոց բեռնատար մեքենաների վրա:
Ուղևորատար մեքենաները պետք է ուղղորդվեն նույն ճանապարհով: Եթե դա չկատարվի, ապա միջադեպեր կարող են տեղի ունենալ ամեն օր:
Արման Աբովյանի ֆեյսբուքյան էջից։
