Թալիբանի խոսնակ Զաբիոլլահ Մոջահեդը ներկայացրել է Իսլամական Էմարաթի 20 նախարարություններից կազմված նոր կառավարության կազմը
Թալիբանի խոսնակ Զաբիոլլահ Մոջահեդը ներկայացրել է Իսլամական Էմարաթի 20 նախարարություններից կազմված նոր կառավարության կազմը։ Հիմնական պաշտոնները բաշխվել են հետևյալ կերպ՝
Կառավարության ղեկավար՝ մոլլա Մոհամմադ Հասան Ախունդ,
Տեղակալ՝ մոլլա Աբդուլ Ղանի Բարադար,
Տեղակալ՝ Մոլանա Աբդ-օլ Էսլամ Հանաֆիի,
Պաշտպանության նախարար՝ Մոլանա Մահմադյաղում Մոջահեդ,
Ներքին գործերի նախարար՝ մոլլա Սարաջեդդին Հաղանի,
ԱԳ նախարար՝ Մոլանա Ամիրխան Մոթաղի:
Չնայած թալիբները խոսում էին համաձայնության կառավարության մասին, սակայն հայտարարված կառավարության պաշտոնները բաժանվել են Թալիբան ահաբեկչական շարժման առանցքային անդամների՝ Դուրանի և Ղալջայի փաշթունական ցեղերի ներկայացուցիչների մեջ։ Հետաքրքրական է, որ կառավարության անդամների մեջ նկատվում են ԱՄՆ կողմից հիմնադրված և ներկայումս ԱՄՆ կողմից հետախուզվող Հաղանի ցանցի և Հաղանի ընտանիքի անդամներներից հինգը, Գուանտանամոյի նախկին մի քանի նախկին բանտարակյալներ և միջազգային հետախուզության մեջ գտնվող ահաբեկիչներ։
Հ․գ․ Իսկ Իրանում և Եվրոպայում կրթություն ստացած, «քաղաքակիրթ» արևմուտքի հետ համագործակցող Ահմադ Մասուդը դեմոկրատիայի հիմնադիրներից ու պաշտպաններից դեռևս օգնություն չի ստանում։
Գարիկ Միսակյան
Իրանագետ