Հայաստանը ռուսաստանցի զբոսաշրջիկների շրջանում ամենանախընտրելի ուղղություններից է
Ռուսաստանցի զբոսաշրջիկներն աշնանը զանգվածաբար որոշել են մեկնել երկու ուղղություններով. «թավշյա սեզոնին» հանգստի ամենահանրաճանաչ վայրերը դարձել են Հայաստանն ու Ղրղզստանը: Ինչպես տեղեկացնում է «Արմենպրես»-ը, այս մասին նշված է «Տուտու» առցանց ծառայության ուսումնասիրության մեջ:
Ըստ վերլուծաբանների` սեպտեմբերին և հոկտեմբերին ամրագրումների առումով առաջատար են մերձավոր արտասահմանի երկրները, իսկ Հայաստանին և Ղրղզստանին ընդհանուր հաշվով բաժին է ընկնում ձևակերպված տոմսերի գրեթե 30 տոկոսը:
Զբոսաշրջիկների համար պահանջված պետությունների վարկանիշում հայտնվել են նաև Մոլդովան, Ուզբեկստանը, Բելառուսը, Հունաստանը, Կիպրոսը և Բուլղարիան:
