Ադրբեջանցիները դիտավորյալ հրդեհել են Սև լճի հարակից խոտածածկ տարածքը
Ադրբեջանցիները դիտավորյալ հրդեհել են Սև լճի հարակից խոտածածկ տարածքը։ Թելեգրամյան ալիքների փոխանցմամբ՝ կրակը շարժվում է հայկական դիրքերի ուղղությամբ: «Փաստինֆո»-ն դեպքի մասին մանրամասները փորձում է պարզել։
Ադրբեջանցիները առաջին անգամը չէ, որ դիմում են նման քայլերի։ Հուլիսի 19-ին ադրբեջանական կողմը կրակ էր բացել Արարատի մարզի Երասխի սահմանային հատվածում։ Հրդեհվել էր միջդիրքային հատվածը։ Հրազենային ոչ ծանր վիրավորում էր ստացել Երասխի գյուղապետ Ռադիկ Օղիկյանը, ով այդ պահին կազմակերպում էր ադրբեջանցիների գործողությունների արդյունքում տեղանքում բռնկված հրդեհը մարելու աշխատանքները։
Նույն քայլի Ադրբեջանը դիմեց նաև օգոստոսի վեցին, երբ միտումնավոր հրդեհում էին միջդիրքային տարածքի խոտածածկույթը։
Ապա հրկիզել են Ագարակի մոտ 28 հա տարածք, իսկ օգոստոսի վերջերին նա Գեղարքունիքի մարզեի 4 գյուղերի սահմանամերձ խոտածածկ տարածքները։
Մասնավորապես ադրբեջանական զինծառայողները բռնկված անիվները նետելով այրում են գյուղերի խոտհարքները ու արոտավայրերը, որոնց հետևանքով օգոստոսի 29-ից մինչ օրս ՀՀ Գեղարքունիքի մարզի Գեղամասար համայնքի Ազատ, Կութ, Նորաբակ և Սոթք գյուղերում այրվել է շուրջ 270 հա արոտավայր և շուրջ 150 հա խոտհարք: Ոչնչացվում է նաև խոտը, որ մարդիկ չարչարանքով են պաշարել ձմռան համար:
