Բայրամովը հանդիպել է ԵԱՀԿ Մինսկի խմբի ռուսաստանցի համանախագահին
Ադրբեջանի արտգործնախարար Ջեյհուն Բայրամովը երկուշաբթի ընդունել է ԵԱՀԿ Մինսկի խմբի Ռուսաստանի նոր համանախագահ Իգոր Խովաևին: Այս մասին գրում է Interfax.az-ը։
Խովաևն ասել է, որ իր ներկայիս այցը Բաքու ճանաչողական բնույթ է կրում։
Ադրբեջանի ԱԳ-ը հայտնել է, թե «Բայրամովը նաև հայտարարել է Երևանի ռևանշիստական դիրքորոշման լիակատար անիմաստության և կողմերի համագործակցության հնարավորությունից օգտվելու անհրաժեշտության մասին»:
«Կողմերը մտքեր են փոխանակել նաև Ղարաբաղի վերաբերյալ Ադրբեջանի, Ռուսաստանի և Հայաստանի ղեկավարների եռակողմ հայտարարության դրույթների և վստահության ամրապնդման միջոցառումների իրականացման վերաբերյալ»,- ասել է Ադրբեջանի ԱԳՆ-ը:
