Հայաստան են ժամանել Գերմանիայի զբոսաշրջության ոլորտի ներկայացուցիչներ

Այսօր Հայաստան ժամանեց «Fvw DRV Destination Forum»-ի մասնակիցների առաջին խումբը, վերջիններս ներկայացնում են Գերմանիայի զբոսաշրջային ոլորտը: Օրը Երևանյան էր, մասնակիցները ծանոթացան Երևանի զբոսաշրջային մի շարք գրավչություններին։ Այս մասին հայտնում են ՀՀ զբոսաշրջության կոմիտեից:

Չորսօրյա միջոցառման նպատակն է ամրապնդել Հայաստանի և Գերմանիայի զբոսաշրջային ոլորտների միջև հարաբերությունները, առավել ճանաչելի դարձնել Հայաստանը Գերմանիայում և խթանել զբոսաշրջային հոսքերը Հայաստան։