Թուրքիան ցեղասպանության է ենթարկում Իրաքի եզդիներին այն բանից հետո, երբ չի հաջողվել ճնշել PKK-ի պարտիզաններին
Արդեն հայտնել ենք, որ ի պատասխան Հյուսիսային Իրաքի լեռներում Քրդական բանվորական կուսակցության (PKK) պարտիզանների դիմադրության՝ Թուրքիան սկսել է իր սովորական «աշխատանքը»` սպանել խաղաղ քրդերին: Առայժմ `միայն Հյուսիսային Իրաքում, բայց ո՞վ գիտի, թե ինչ են անելու թուրքերը ապագայում: Ամեն ինչ կարելի է և պետք է սպասել ցեղասպան ֆաշիստական երկրից: Եվ հիմա ի հայտ եկան օգոստոսի 16 -ի իրադարձությունները, որոնք հաստատեցին, որ աշխարհն՝ ի դեմս Թուրքիայի, գործ ունի ֆաշիստների և մարդասպանների հետ:
Իրենց անկարողությունից զայրացած, որ չկարողացան հաղթել և ոչնչացնել PKK քրդական կուսակցության պարտիզանական ստորաբաժանումները, թուրքերը որոշեցին ցեղասպանել … Իրաքի եզդիներին: Իրաքի եզդիները, շիաների և Իրանի օգնությամբ, մեծ դժվարությամբ փրկվեցին «Իսլամական պետություն» (ԻՊ) խմբավորման ահաբեկիչների կողմից իրականացված եզդիների ցեղասպանությունից: Բայց ի՞նչ կանեն այժմ Իրաքի եզդիները, երբ թուրքերը սկսեցին սպանել նրանց: Թուրքական ռազմական ինքնաթիռները, չկարողանալով գտնել այն հենակետերը ու բազաներ, որտեղ PKK-ի պարտիզանները նահանջել են վերջին մարտերից հետո, օգոստոսի 16-ին հարվածներ են հասցրել Իրաքի եզդիների կենտրոններից մեկի՝ Սինջար (Շենգալ) քաղաքի վրա: Սպանվել է «Շենգալի [Սինջարի] դիմադրության ուժերի» տեղի եզդի զինված խմբավորումների հրամանատար Սաիդ Խդիր Հասանը, ով 2014-ին քաղաքի վրա ԻՊ-ի հարձակման ժամանակ հանդիպել էր և մարտնչել ահաբեկիչների հետ: Սպանել է նաև նրա եղբորորդուն՝ աշխարհազորային Իսա Խուդեդին: Եվս երեք մարդ (խաղաղ բնակիչներ) վիրավորվել են:
Օգոստոսի 17-ին թուրքերը շարունակեցին սպանել եզդիներին: Քրդական «Rudaw» լրատվական գործակալության փոխանցմամբ՝ թուրքական ինքնաթիռները չորս անգամ հարվածներ են հասցրել եզդիական «Շենգալի [Սինջարի] դիմադրության ուժերի» հետ կապված Սիկենիե գյուղի հիվանդանոցներից մեկին: Սկզբում անընդմեջ երեք հարված է կատարվել, իսկ հետո՝ 15 րոպե անց, հաջորդել է չորրորդ հարվածը: Հիվանդանոցում միայն քաղաքացիական անձինք էին, որոնք սպասում էին իրենց բուժմանը կամ անցնում էին բժշկական հետազոտություն: Սիկենիե գյուղը գտնվում է Շենգալի (Սինջարի) լեռնաշղթայի հարավային կողմում: Թուրքիան արդեն երկրորդ օրն է օդային հարվածներ է հասցնում Շենգալին՝ տեղի դիմադրության ուժերի հետ զինված դիմակայության շրջանակներում: Եվ սրանք եզդիների դեմ ահաբեկման առաջին ֆաշիստական գործողությունները չեն, որ ձեռնարկում է Թուրքիան: Մասնավորապես, թուրքական ավիացիան նույնպիսի սպանությունները կատարեց 2020 թվականի փետրվարի 18 -ին, այն ժամանակ սպանվեցին եզդի աշխարհազորայինների հրամանատար Զարդաշտ Շինգալը (Քալաֆ Բապիր Մուրադ Սաադու) և նրա եղբայրը՝ (նաև աշխարհազորային) Այման Սաադուն: Ի դեպ, թուրքերը նրանց սպանել են հենց Սիկենիե գյուղում … Թուրքերը եզդիներին սպանել են 2019 թվականի նոյեմբերի 4-ին և 2020 թվականի հունվարի 16-ին: Անկարան սպանում է եզդիներին, չնայած որ քրդական PKK-ի փեշմերգայի բոլոր ստորաբաժանումները դուրս են բերվել Շենգալից (Սինջարից) դեռևս 2019 թվականի սեպտեմբերին՝թուրքական բանակի ներխուժման սպառնալիքի ներքո, որից հետո եզդիական աշխարհազորայինները անցել են Իրաքի պաշտպանության նախարարության ենթակայության տակ:
Հայաստանի Ազգային ժողովի պատգամավոր, եզդիական համայնքը ներկայացնող Ռուստամ Բաքոյանը, արձագանքելով հրամանատար Սաիդ Խդիր Հասանի սպանությանը, իր ֆեյսբուքյան էջում գրել է. «Եզդիների վրա նման հարձակման միջոցով, որն առաջին անգամը չէ, թուրքական պետությունը շարունակում է իր ցեղասպան քաղաքականությունը: Այս հարձակումը, ըստ էության, ուղղված է եզդի ժողովրդի ազատության և պաշտպանության և ինքնակառավարման հիմնարար իրավունքի դեմ: Մեծ սպարապետ Սաիդի սպանությունը անպատասխան չի մնա: Մենք կոչ ենք անում միջազգային հանրությանը անտարբեր չմնալ, գործնական քայլեր ձեռնարկել՝ ապահովելու եզդի ժողովրդի անվտանգ և խաղաղ կյանքը, կանխելու մարդկային անվտանգության դեմ ուղղված գործողությունները և կանխելու նրանց կրկնությունը ապագայում: ԻՊ-ի դեմ պայքարող ջոկատի հրամանատարի վերացումը ևս մեկ անգամ ապացուցում է ահաբեկիչներին տրվող աջակցությունը թուրքական իշխանությունների կողմից: Քաղաքի կենտրոնում օդուժի կատարած սպանությունը ցույց է տալիս, թե Թուրքիայի համար որքան կարևոր էր սպանել հրամանատարին և աջակցություն ցուցաբերել ԻՊ ահաբեկիչներին: Խաղաղ բնակիչների սպանությունները, խաղաղ քաղաքների ռմբակոծությունները, ահաբեկիչներին ցուցաբերվող աջակցությունը`այս ամենը «քաղաքակիրթ աշխարհի» ամենաթողության և լռության հետևանք է»:
Կարծում ենք, որ եզդի պատգամավորի այս խոսքերին ոչինչ ավելացնելու կարիք չկա: Եկեք պարզ զուգահեռ անցկացնենք այն փաստի հետ, թե ինչպես է Թուրքիան «օգնել» Ալիևի ռեժիմին՝ Արցախում հազարավոր հայեր սպանելու 2020 թվականի աշնանը: Բայց հարց է առաջանում. եթե Հայաստանի խորհրդարանի եզդի պատգամավորը բացահայտորեն մեղադրում է Թուրքիային այսօրվա ժամանակակից ցեղասպանության մեջ՝ Իրաքի եզդիների նկատմամբ, ապա ինչո՞ւ են Հայաստանի խորհրդարանի հայ պատգամավորները լռում, և ինչո՞ւ չեն մեղադրում Ալիևի ռեժիմին և Թուրքիային Արցախի հայերի ցեղասպանության մեջ: Մեր կարծիքով, հայ հասարակությունը կանգնած է Ազգային ժողովի պատգամավորների կամ վախկոտության կամ թուրքամետության առջև: Իհարկե, դա չի վերաբերում եզդի պատգամավոր Ռ.Բաքոյանին …
Սերգեյ Շաքարյանց
