ՀԱՊԿ գլխավոր քարտուղար Ստանիսլավ Զասը մեկնաբանել է հայ-ադրբեջանական սահմանին տիրող իրավիճակը
ՀԱՊԿ գլխավոր քարտուղար Ստանիսլավ Զասը մեկնաբանել է հայ-ադրբեջանական սահմանին տիրող իրավիճակը։ Այս մասին տեղեկանում ենք ՀԱՊԿ պաշտոնական կայքից։
«2021-ի հուլիսի 28-ի գիշերը Հայաստանի և Ադրբեջանի սահմանին տեղի են ունեցել ռազմական բախումներ, որի արդյունքում զոհվել են հայկական զինված ուժերի երեք զինծառայողներ, չորսը վիրավորվել են:
Խորին ցավակցություն եմ հայտնում զոհվածների ընտանիքներին և վիրավորներին շուտափույթ ապաքինում եմ մաղթում:
Ստեղծված իրավիճակը լուրջ անհանգստություն է առաջացնում տարածաշրջանում լարվածության հետագա սրման համար, ինչը կարող է բացասաբար ազդել եռակողմ ձևաչափով համաձայնագրերի կատարման վրա, որն ամրագրված է Ադրբեջանի, Հայաստանի և Ռուսաստանի ղեկավարների 2020 թ․ նոյեմբերի 10-ի հայտարարության մեջ:
Մենք անընդունելի ենք համարում ուժի գործադրումը: Հակասությունները կարգավորելու համար պետք է օգտագործել միայն քաղաքական և դիվանագիտական մեթոդներ:
Ողջունում եմ Ռուսաստանի Դաշնության՝ տարածաշրջանում իրավիճակի կայունացմանն ուղղված ջանքերը»,- նշել է ՀԱՊԿ գլխավոր քարտուղար Ստանիսլավ Զասը:
