Պեսկովը մեկնաբանել է Ղրիմի վերաբերյալ գործարք կնքելու մասին Թուրքիայի առաջարկը

Ռուսաստանի մարզերը երբեք այլ երկրների հետ գործարքների առարկա չեն լինի, երեքշաբթի լրագրողներին ասել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ գործակալությունը:

«Իհարկե, ռուսական մարզերը երբեք չեն կարող լինել և չեն լինի որևէ գործարքի առարկա, դա բացառվում է», – ասել է Կրեմլի խոսնակը:

Այսպիսով, Պեսկովը մեկնաբանել է Թուրքիայից պրոֆեսոր Հասան Ունալի հայտարարությունը, որը ենթադրում էր, որ Մոսկվան և Անկարան կկարողանան համաձայնության գալ Ղրիմի կարգավիճակի շուրջ, եթե Ռուսաստանի Դաշնությունը Հյուսիսային Կիպրոսի Թուրքական Հանրապետությունը (չճանաչված) ճանաչի որպես անկախ պետություն:

«Դժվար թե Թուրքիայի հարգարժան պրոֆեսորը կարողանա անձնավորել Անկարայի պաշտոնական տեսակետը», – հավելել է Պեսկովը: