Փաշինյանը հարյուրավոր ոստիկանների ուղեկցությամբ գնում է Իջևան. Hraparak.am
Այս պահին Նիկոլ Փաշինյանը հարյուրավոր ոստիկանների ուղեկցությամբ ուղևորվում է Տավուշի մարզ՝ հայրենի Իջևան: Ինչպես հայտնի է, Տավուշում Վարդավառը տոնում են ոչ եկեղեցու օրացույցով, որն այս տարի հուլիսի 25-ն է։ Նիկոլ Փաշինյանին և ընտանիքին ընկերակցում է նաև իր մանկության ընկերը՝ ոստիկանապետ Վահե Ղազարյանը: Այս մասին գրում է Hraparak.am-ը:
Նիկոլ Փաշինյանի շարասյունը Սևանի մայրուղով ընթանում է շատ մեծ արագությամբ՝ առնվազն 150 կմ/ժամ: Այնպես, որ հակառակ ուղղությամբ ընթացող մեքենաների ուղևորները մրրիկի նման սլացող տասնյակ թանկ սև մեքենաներ են միայն տեսել՝ ճանապարհով սլացող:
Հիշեցնենք, որ անցած տարի ևս էլիտար տավուշցիները կորոնավիրուսի թեժ սեզոնին Ծիրանիում բազմամարդ խնջույք էին կազմակերպել, ապա տոնական օրը շարունակել Նիկոլ Փաշինյանի մայրական կողմի գյուղում՝ Ենոքավանում, սակայն հետագայում «կռուտիտ» եղան, թե պաշտոնական ընթրիք էին կազմակերպել։ Թե այս տարի ինչպես են պատրաստվում նշել, մեզ չհաջողվեց պարզել։
