Կալանավորված թեկնածուները կստանան իրենց պատգամավորական մանդատները
«Դա խոչընդոտ չէ իրենց կողմից իրենց մանդատները ստանալու համար»,- լրագրողների հետ զրույցում ասաց Կենտրոնական ընտրական հանձնաժողովի նախագահ Տիգրան Մուկուչյանը՝ պատասխանելով հարցին, թե «Հայաստան» դաշինքից կալանավորված պատգամավորներ Մխիթար Զարքարյանի և Արթուր Սարգսյանի մանդատների հարցն ինչպե՞ս է լուծվում:
«Սա նշանակում է, որ հիշյալ պատգամավորը ստանալու են իրենց մանդատները՝ իրականացնելու իրենց պատգամավորական գործունեությունը, իսկ պատգամավորական գործունեության իրականացման եղանակները, ձևերը կարգավորվում է այլ օրենսդրությամբ»,- ասաց Տ. Մուկուչյանը:
Հիշեցնենք, որ ՀՀ Կենտրոնական ընտրական հանձնաժողովն այսօր կայացած արտահերթ նիստում կազմեց և ստորագրեց Ազգային ժողովի պատգամավորներ գրանցելու և մանդատներ տրամադրելու մասին արձանագրություն: