Գերմանիայում ջրհեղեղի զոհերի թիվը գերազանցել է 140-ը
Գերմանիայի արևմուտքում ավերիչ ջրհեղեղի զոհերի թիվը հասել է 141-ի: Հուլիսի 17-ի առավոտյան Կոբլենցում ոստիկանության խոսնակը հայտնել է, որ Ռեյնլանդ-Պֆալցի դաշնային նահանգի Արվայլեր շրջանում ավելի քան 90 մարդ դարձել է արհավիրքի զոհ, առնվազն 670 մարդ վիրավորվել է, հաղորդել է Deutsche Welle-ն:
Հյուսիսային Ռեյն-Վեստֆալիայի ՆԳՆ-ի տվյալներով՝ այնտեղ 45 մարդ է մահացել:
Մտավախություն կա, որ զոհերի մասին տվյալները վերջնական չեն, քանի որ աղետից ավելի քան երկու օր անց տասնյակ մարդիկ դեռ անհետ կորած են համարվում:
