Հայաստանի առաջին օլիմպիականը մեկնեց Տոկիո (լուսանկար)
Հուլիսի 15-ին Երևան –Մոսկվա- Տոկիո չվերթով օլիմպիական մայրաքաղաք մեկնեց 32-րդ ամառային Օլիմպիական խաղերում հրաձգության մրցաշարի Հայաստանի միակ ներկայացուցիչ Էլմիրա Կարապետյանը:
Օլիմպիականին Տոկիո է ուղեկցում հրաձգության Հայաստանի հավաքականի գլխավոր մարզիչ Սեյրան Նիկողոսյանը:
Էլմիրա Կարապետյանը Տոկիո կժամանի հուլիսի 17-ին:
Հիշեցնենք, որ հրաձիգ Էլմիրա Կարապետյանը Տոկիո-2020 օլիմպիական ուղեգիրը նվաճել է Եվրոպայի առաջնության արդյունքներով՝ զբաղեցնելով 5-րդ տեղը:
Տոկիո 2020-ում հանդես կգա հուլիսի 25-ին Երևանի ժամանակով 05:00-ից 11:30-ը: