Ապագա կա՝ դիմելով ժողովրդին՝ Մաշալլահ Ահմեդովը ասում է, թե մի՞թե Բաքուն ադրբեջանական քաղաք է
X թվական, Ադրբեջան։ Հարյուրհազարավոր ցուցարարներ դուրս են գալիս փողոց, հրաժարական է տալիս նախագահը։ Նոր նախագահ է ընտրվում Մաշալլահ Ահմեդովը։ Օրեր անց կալանավորվում է Ջեբրայիլի գրավման մասնակից մի գեներալ։ Նրա տան նկուղում հայտնաբերվում են տուշոնկաներ և խտացրած կաթ։ Սպասելով դատավարությանը՝ ամիսներ անց գեներալը մահանում է։
Այդ ընթացքում քրեական տարբեր գործեր են հարուցվում 44-օրյա պատերազմի մասնակից գեներալների դեմ։
Զեյնաբ Խանլարովան հաղորդում է տալիս, որ միլիարդավոր դոլարների կաշառք է տվել մի քանի հայտնի քաղաքական գործիչների, որից հետո նրանք կալանավորվում են։
Այս ամենի հետ մեկտեղ առաջադեմ մահմեդականները խուլիգանական հարձակումներ են գործում Կովկասի և Ադրբեջանի մահմեդականների առաջնորդ շեյխ ուլ իսլամ ալլահշյուքյուր փաշազադե հաջիի նկատմամբ։
Ծնողները պահանջում են դպրոցներից հանել իսլամի ժամ առարկան։
Ադրբեջանում նախարարներ են նշանակվում ընդգծված հակաթուրքական և հակաբրիտանական հայացքներ ունեցող գործիչներ, որոնք աչքի են ընկել ֆեյսբուքյան հակաբրիտանական և հակաթուրքական գրառումներով։
Քրեական գործ է հարուցվում Իլհամ Ալիևի նկատմամբ։ Նրան մեղադրում են Նաֆթալանի ցույցերը ճնշելու և Զեյնաբ խանումից միլիարդավոր դոլարների կաշառք վերցնելու մեջ։
Զուգահեռաբար ակտիվ քայլերով կրճատվում է զորամիավորումների թիվը։
Կտրուկ վատթարանում են ադրբեջանա-թուրքական և ադրբեջանա-բրիտանական հարաբերությունները։
Ձմերուկ վաճառող մեկը, որը պատգամավոր է դարձել՝ Վագիֆ Հասանզադեն նախաձեռնում է սահմանադրական բարեփոխումներ, ՍԴ-ն իրենցով անելու համար։
Չորս և կես օրում հայկական զորամիավորումները ազատագրում են Կուրից հարավ ընկած տարածքները։
Յոթ ամիս անց Ադրբեջանում անցկացվում են խորհրդարանական և նախագահական ընտրություններ։ Ստանալով ադրբեջանցիների ձայների ութսուն տոկոսը՝ նախագահ է ընտրվում նույն Մաշալլահ Ահմեդովը, որը ընտրարշավի ընթացքում ցուցադրելով գերանդին խոստանում էր հնձել նախկիների կողմնակիցներին։ Խորհրդարանում վաթսուն տոկոս տեղերը զբաղեցնում է Մաշալլահ Ահմեդովի Ջան Ազարբայջան ջան կուսակցությունը։
Հայաստանի պահանջով Մաշալլահ Ահմեդովը փակում է բոլոր նավթահանքերը, իսկ նրանց ղեկավարներին ձերբակալում և կալանավորում։ Արտգործնախարար է նշանակում Ազեր Քեշիշովին, որը ոչ երկար կյանքում զբաղված է եղել Բաքվում հակաթուրքական ցույցեր և «Ֆեյսբուքում» հակաբրիտանական գրառումներ անելու համար։
Այդ օրերին Հայաստանի ղեկավարը հիշեցնում է Բաքվի հայկական լինելու մասին։
Ապագա կա՝ դիմելով ժողովրդին, ասում է Մաշալլահ Ահմեդովը և ասում, թե մի՞թե Բաքուն ադրբեջանական քաղաք է։
Մաշալլահ Ահմեդովի կողմնակիցները սիրում են նրան, պաշտում ու ասում՝ հարիֆը լավն է՝ Ալիևը ջեբը գցեց էս ամենը։ Իրոք, ապագա կա։
Գեղամ Նազարյանի ֆեյսբուքյան էջից