ԿԸՀ-ն այսօր արտահերթ նիստ է հրավիրում
Կենտրոնական ընտրական հանձնաժողովն այսօր ժամը 15։00-ին արտահերթ նիստ է հրավիրում։ Օրակարգում երեք հարց է ներառված։
Առաջին հարցը վերաբերում է ԱԺ պատգամավորի մանդատ տրամադրելու վերաբերյալ արձանագրության կազմմանը, երկրորդը՝ Երևանի ավագանու անդամին մանդատ տրամադրելու մասին արձանագրության կազմմանը։
Երրորդ հարցը ԿԸՀ որոշումը ՍԴ-ում բողոքարկման հետ է կապված։ Հանձնաժողովը պետք է լիազորի հանձնաժողովի ներկայացուցիչներին մասնակցելու դատաքննությանը։