Թրամփը դատական հայց է ներկայացնում Facebook-ի, Twitter-ի և Google-ի դեմ
Միացյալ Նահանգների նախկին նախագահ Դոնալդ Թրամփը դատական հայց է ներկայացնելու Facebook, Twitter և Google ընկերությունների դեմ: Ինչպես հաղորդում է «Արմենպրես»-ը, այս մասին Թրամփը հայտարարել է Բեդմինստեր քաղաքում ունեցած ելույթի ժամանակ:
«Այսօր America First Policy Institute կազմակերպության հետ ես մեծ կոլեկտիվ հայց եմ ներկայացնում տեխնոլոգիական հսկաների, այդ թվում և Facebook-ի, Twitter-ի, Google-ի, ինչպես նաև դրանց գլխավոր տնօրենների դեմ»,- հայտնել է նա:
