Դուշանբեն ամրացնում է Աֆղանստանի հետ սահմանը
Տաջիկստանի նախագահ Էմոմալի Ռահմոնի նախագահությամբ տեղի է ունեցել հանրապետության անվտանգության խորհրդի նիստը՝ տեղեկացնում է khovar.tj-ն:
Հանդիպմանը մասնակցել են անվտանգության խորհրդի մշտական անդամներ, ուժային կառույցների և իրավապահ մարմինների ղեկավարներ:
Տաջիկստանի հետ Աֆղանստանի սահմանին իրավիճակի սրման պատճառով անվտանգության խորհրդի անդամները հանդիպմանը քննարկել են սահմանամերձ շրջաններում անվտանգության ապահովման և պաշտպանությանն ուղղված միջոցառումներ ձեռնարկելու հարցը:
Նախագահ Ռահմոնը Տաջիկստանի պաշտպանության նախարարին հանձնարարել է մոբիլիզացնել 20 հազար պահեստային զինծառայողի՝ Տաջիկստանի և Աֆղանստանի սահմանի հետագա ամրապնդման համար:
