ԿԽՄԿ-ը 5 անգամ ավելացրել է ԼՂ-ում իր առաքելության ֆինանսավորումը՝ հասցնելով 50 մլն եվրոյի
Կարմիր խաչի միջազգային կոմիտեի նախագահ Փիտեր Մաուրերը հայտնել է, որ այս տարի միջազգային կառույցը 5 անգամ ավելացրել է Լեռնային Ղարաբաղում իր առաքելության ֆինանսավորումը` հասցնելով 50 մլն եվրոյի: Այս մասին դիվանագետը հայտնել է «Իզվեստիա»-ին տված հարցազրույցում:
Նա հավելել է, որ ԿԽՄԿ-ն պատրաստ է աջակցություն ցուցաբերել Բաքվի և Երևանի միջև ռազմագերիների փոխանակման գործընթացին, սակայն պահվող անձանց կարգավիճակի շուրջ վեճը Հայաստանն ու Ադրբեջանն ինքնուրույն պետք է հարթեն:
Մաուրերը հայտնել է նաև, որ միջազգային կառույցը դիտարկում է «Սպուտնիկ V» պատվաստանյութի կիրառումը զինված հակամարտություններից տուժած շրջանների բնակիչների, փախստականների պատվաստման համար:
